Kyrrðarbænarsamtökin á Íslandi og Víðistaðakirkja bjóða upp á námskeið um kyrrðarbæn laugardaginn 1. nóvember 2025 kl. 10-15 í Víðistaðakirkju í Hafnarfirði.
Kyrrðarbæn er íhugunaraðferð úr kristinni hefð sem hefur verið stunduð í einhverri mynd alveg frá frumkristni. Á námskeiðinu verður fjallað um þessa íhugunaraðferð, hún kennd og iðkuð.
Kyrrðarbæn er afar einföld iðkun sem fer fram í þögn og gengur út á að hvíla í nærveru Guðs og samþykkja verk heilags anda innra með okkur. Þótt aðferðin sé einföld hefur hún umbreytandi áhrif á iðkandann með auknum andlegum þroska sem leiðir m.a. til aukinnar sjálfsþekkingar og dýpra sambands við Guð og menn.
Kennarar námskeiðsins eru Arna Harðardóttir og Bergþóra Baldursdóttir. Þær eru með kennsluréttindi í Kyrrðarbæn og hafa ástundað hana um árabil.
Verð: 4.000 kr. Innifalið er léttur hádegismatur og námsgögn.
Vinsamlegast greiðið þátttökugjald inn á eftirfarandi reikning:
Bn. 0114-26-1513
Kt. 450613-1500
Skýring: Námskeið
Ef spurningar vakna má senda tölvupóst á bergthora.baldursdottir@gmail.com.